Права на бясплатнае навучанне маюць беспрацоўныя, зарэгістраваныя ў службе занятасці насельніцтва, людзі, якія ажыццяўляюць догляд дзіцяці да трох гадоў (пры гэтым не знаходзяцца ў водпуску па доглядзе), і тыя, хто ажыццяўляе догляд дзіцяці з інваліднасцю.

Служба занятасці працуе непасрэдна з наймальнікамі, навучаючы людзей менавіта тым прафесіям, якія патрэбны работадаўцам тут і цяпер. Можна вывучыць папулярныя рабочыя прафесіі, напрыклад, вадзіцель тралейбуса, трамвая, аўтамабіля, пагрузчыка, повар, слесар-сантэхнік, электраманцёр па рамонце і абслугоўванні электраабсталявання, электрагазазваршчык, таксама можна вывучыць асновы прадпрымальніцкай дзейнасці.

Служба занятасці насельніцтва дамаўляецца з наймальнікам аб працаўладкаванні будучага выпускніка. Арганізуецца гутарка паміж работнікам і работадаўцам. Заключаецца трохбаковы дагавор, дзе прапісаны ўсе правы, абавязкі і гарантыі.

У ведамстве паведамілі, што за перыяд са студзеня па жнівень 2026 года накіраваны на навучанне больш як 1 тыс. беспрацоўных. «Для беспрацоўных гэта бясплатнае навучанне і гарантаванае рабочае месца пасля яго заканчэння. Для работадаўца — вырашэнне кадравага пытання з падрыхтаваным спецыялістам», — дадалі ў Мінпрацы.