У Мінпрацы нагадалі, што ў нашай краіне агульны пенсіённы ўзрост для жанчын на 5 гадоў ніжэйшы, чым для мужчын (58 гадоў супраць 63 гадоў). Перыяды догляду дзяцей ва ўзросце да 3 гадоў уключаюцца ў стаж (да 12 гадоў у агульнай складанасці) і ўлічваюцца пры вызначэнні памеру пенсіі.

Жанчынам з чатырма дзецьмі мінімальны страхавы стаж з 1 студзеня 2025 года паніжаны з 10 да 5 гадоў. Жанчынам з 5 і больш дзецьмі пенсія прызначаецца на 5 гадоў раней за агульны пенсіённы ўзрост (у 53 гады) і пры паніжаным страхавым стажы — таксама на 5 гадоў. Ужо больш за 22 тыс. жанчын скарысталіся гэтай гарантыяй.

У той жа час маці з 9 і больш дзецьмі, якія маюць дзяржаўныя ўзнагароды, устанаўліваецца пенсія за асаблівыя заслугі. У Беларусі гэта 425 жанчын.