Адказваючы на пытанне аб тэхналогіях, якія маглі бы быць пакладзены ў аснову беларускіх дарог у бліжэйшае дзесяцігоддзе, Сяргей Кабак вылучыў рашэнні, што прымяняюцца ўжо на трасе М4, якія з’яўляюцца адаптацыяй замежнага вопыту.

«Добра сябе зарэкамендавала тэхналогія „мыты бетон“ пры будаўніцтве цэментабетонных пакрыццяў, якая была прыменена на аўтамабільнай дарозе М14 (другая кальцавая) у раёне маладзечанскай трасы. Сутнасць яе заключаецца ў тым, што пры ўладкаванні цэментабетоннага пакрыцця з дапамогай простых і даступных хімічных рэактываў размякчаецца верхні слой. Гэта запавольвае схопліванне бетону. Шчоткамі праз некаторы час выдаляецца аслабленае цэментнае малачко. У выніку агаляецца вялікі запаўніцель, тым самым забяспечваючы высокі каэфіцыент счаплення, высокую шурпатасць, што рэзка павышае транспартна-эксплуатацыйныя характарыстыкі пакрыцця», — расказаў Сяргей Кабак.