Што менавіта зменіцца і як гэта паўплывае на аўтаўладальнікаў, у эфіры праграмы «Наша раніца» на АНТ расказала Вераніка Раманькова, начальнік аддзялення арганізацыі міжведамаснага ўзаемадзеяння і прапаганды бяспекі дарожнага руху Галоўнага ўпраўлення ДАІ МУС Беларусі.

Як адзначыла Вераніка Раманькова, названыя ніжэй новаўвядзенні звязаныя з тым, што з 11 лютага ўступаюць у сілу змены, унесеныя ва ўказ Прэзідэнта Рэспублікі Беларусь № 200 «Аб адміністрацыйных працэдурах, якія здзяйсняюцца дзяржаўнымі органамі і іншымі арганізацыямі па заявах грамадзян».

Згодна з дакументам, для зручнасці грамадзян Рэспублікі Беларусь, а таксама замежных грамадзян, цяпер для атрымання пасведчання кіроўцы беларускага ўзору на падставе пасведчання кіроўцы, выдадзенага замежнай дзяржавай, неабходна будзе здаваць практычны іспыт замест тэарэтычнага.

«Аднак ёсць пэўныя выключэнні. Не трэба здаваць гэты экзамен грамадзянам Расіі, а таксама грамадзянам тых дзяржаў, у якіх з Рэспублікай Беларусь падпісаны Міжнародныя дагаворы аб прызнанні і абмене пасведчанняў кіроўцы», — адзначыла прадстаўнік ДАІ.

Таксама па ініцыятыве Міністэрства абароны ёсць яшчэ адна пазіцыя, якая была падкарэктаванамі у дадзеным нарматыўным дакуменце. Пры атрыманні пасведчання кіроўцы грамадзянам ва ўзросце ад 18 да 27 гадоў неабходна будзе прадаставіць у рэгістрацыйнае падраздзяленне ДАІ даведку з ваенкамата. Пад выключэнне трапляюць грамадзяне, якія загадзя знаходзяцца на пастаянным консульскім уліку альбо аформілі выезд на пастаяннае месца жыхарства за межамі Рэспублікі Беларусь.