19 ліпеня месцамі ў Беларусі чакаюцца навальніцы, у начны і ранішні час у асобных раёнах магчымы туман. Аб гэтым паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Сіноптыкі прагназуюць на 19 ліпеня пераменную воблачнасць. На большай частцы тэрыторыі краіны чакаюцца кароткачасовыя дажджы, месцамі — навальніцы. Уначы і раніцай у асобных раёнах магчымы туман. Уначы чакаецца паўднёвы вецер, днём — пераменных напрамкаў умераны, пры навальніцах — парывісты.
Тэмпература паветра ноччу складзе 12-18 градусаў цяпла, днём 23-29 вышэй за нуль, месцамі ў паўднёва-ўсходніх раёнах слупкі тэрмометраў пакажуць плюс 30 градусаў.
