«Яндэкс Плюс» запусціў у Беларусі развіццёвы кантэнт для малых у новай опцыі «Дзецям». Пра гэта паведамляе Точка.by. Кошт падпіскі складае 3 рублі. У яе ўваходзяць 3 дадаткі для дзяцей ад 2 да 7 гадоў: «Малявайка», «Казбука» і «Чытайнік». Яны дапамогуць дзецям гуляць, вучыцца, тварыць і развіваць навыкі ў бяспечным інтэрактыўным асяроддзі.
«Малявайка» дазваляе асвойваць першыя мастацкія навыкі, спрабаваць розныя пэндзлі і фламастары, размалёўваць сотні сюжэтаў і атрымліваць невялікія ўзнагароды за кожны малюнак.
У «Казбуцы» дзецям даступныя больш за 40 гульняў для трэніроўкі мыслення, увагі і памяці з любімымі персанажамі папулярных мультфільмаў, такіх як «Сіні трактар», «Буба», «Барсукот», «Квятняшкі» і «Самі з палосамі».
«Чытайнік» ператварае чытанне ў гульню: дзіця праходзіць інтэрактыўныя гісторыі з персанажамі з любімых мультфільмаў, што дапамагае палюбіць кнігі з першых крокаў.
Усе дадаткі аб’яднаны адной падпіскай і могуць выкарыстоўвацца на некалькіх прыладах.
«Мы жадаем, каб дзеці з задавальненнем вучыліся і гулялі, а бацькі адчувалі, што іх час каля экрана праходзіць з карысцю. Для нас важна ствараць прастору, дзе навучанне і забаўка ідуць поплеч і кожнае дзіця можа развіваць свае таленты ў бяспечным асяроддзі», — адзначае генеральны менеджар па развіцці «Яндэкс Плюс» у Беларусі Вераніка Вінічэнка.
Дадаткі створаны з улікам унутраных даследаванняў аб дзіцячым развіцці і карыстацкага досведу і прапануюць дзецям пазнавальны і забаўляльны кантэнт.
Усяго «Яндэкс Плюс» налічвае ў Беларусі больш за 1 млн падпісчыкаў. Яны могуць глядзець фільмы, серыялы і тэлеканалы на «Кінапошуку», слухаць трэкі на «Яндэкс Музыцы» і чытаць літаратуру ў «Яндэкс Кнігах». Таксама даступны кэшбэк баламі ў сэрвісах «Яндэкса».
