Японія з 1 ліпеня ў тры разы павысіла турыстычны падатак на выезд з краіны — з 1 тыс. іен да 3 тыс. іен, або прыкладна да $18, паведаміла БелТА са спасылкай на тэлеканал NHK.
Дадзены падатак павінны плаціць як замежныя вандроўцы, якія пакідаюць краіну, так і самі японцы.
Новая сума збору будзе дадавацца да кошту авіябілетаў, круізных і іншых білетаў, набытых пачынаючы з 1 ліпеня.
Як паказвае тэлеканал, турыстычны падатак на выезд з краіны прыносіў у дзяржаўную казну каля 50 млрд іен, або $308 млн у год. Чакаецца, што павышэнне падатку прынясе дадатковыя даходы ў памеры каля 120 млрд іен, або $739 млн штогод.
Урад плануе выкарыстаць гэтыя сродкі для вырашэння праблемы празмернага турызму і іншых праблем, выкліканых ростам колькасці замежных турыстаў.
