«Турнір стаў яркай падзеяй і адным з самых паспяховых праектаў у сферы дзіцяча-юнацкага спорту ў краіне, — гаворыцца ў прывітанні. — Хакей — гэта школа фарміравання асобы, вынослівасці і жалезнага характару. Сёння ў каманд усіх рэгіёнаў Беларусі ёсць унікальны шанц праявіць свае лепшыя якасці і гучна заявіць аб сабе».

Прэзідэнт выказаў упэўненасць, што фінальныя матчы пройдуць у атмасферы сумленнай і ўпартай барацьбы, прынясуць станоўчыя эмоцыі і стануць прыступкай да заваявання новых вяршыняў.

Аляксандр Лукашэнка пажадаў усім моцнага здароўя, удачы, прыгожых, відовішчных паядынкаў і заслужаных перамог.