«Тэхнічны збой, які ўзнік 9 ліпеня 2025 года ў апаратна-праграмным комплексе Банкаўскага працэсінгавага цэнтра, быў паспяхова ліквідаваны. Усе балансы па банкаўскіх плацежных картках ААТ „ААБ Беларусбанк“, ААТ „Белаграпрамбанк“ і ААТ „Белінвестбанк“ прыведзены ў актуальны стан. Аперацыі з выкарыстаннем банкаўскіх плацежных картак ажыццяўляюцца ў штатным рэжыме. У выпадку, калі ў вас узніклі сумненні ў актуальнасці астатку па вашай банкаўскай плацежнай картцы, просім звяртацца за тлумачэннямі ў банк, які выдаў картку», — гаворыцца ў паведамленні.

У цэнтры таксама звярнулі ўвагу на тое, што неадпаведнасць астатку, у тым ліку і адмоўны астатак, можа быць па прычынах, не звязаных з узніклым збоем, напрыклад, па выніках апрацоўкі валютна-абменных аперацый, наяўнасці вяртанняў, патрабаванняў у аўтаматызаванай інфармацыйнай сістэме выканання грашовых абавязацельстваў (АІС ВГА) і іншых прычынах.