У пятым, юбілейным сезоне ўмовы ўдзелу змяніліся — удзельнікі цяпер дзеляцца на тры катэгорыі: «Старт» (маладыя людзі ва ўзросце ад 14 да 18 гадоў, якія навучаюцца ва ўстановах агульнай сярэдняй адукацыі і (або) дадатковай адукацыі дзяцей і моладзі, наведваюць аб’яднанні па інтарэсах профільнай накіраванасці), «Свой погляд» (маладыя людзі ва ўзросце ад 16 гадоў да 31 года, якія навучаюцца ва ўстановах адукацыі, што рэалізуюць адукацыйныя праграмы прафесійна-тэхнічнай, сярэдняй спецыяльнай адукацыі, установах вышэйшай адукацыі і (або) працуюць у арганізацыях Беларусі, не маюць профільнай адукацыі і вопыту работы ў сродках масавай інфармацыі) і «Медыяліга» (маладыя людзі ва ўзросце ад 17 да 25 гадоў, якія навучаюцца ва ўстановах вышэйшай адукацыі і атрымліваюць профільную адукацыю, а таксама маладыя спецыялісты, якія працуюць у дзяржаўных арганізацыях Беларусі, на якія ўскладзены функцыі рэдакцыі сродку масавай інфармацыі).

Намінацыі конкурсу таксама падзелены па катэгорыях. Так, удзельнікі «Старту» могуць падаць заяўкі на «Лепшы праект у новых медыя» (праект для лічбавых платформ (TikTok, Instagram, Telegram) і «Лепшыя аўтарскія матэрыялы „Жанчыны маёй сям’і: партрэт на фоне гісторыі“ (гераіня ў прафесіі, мацярынстве, грамадскім жыцці — матэрыял, які раскрывае вобраз сучаснай беларускі, прысвечаны ролі бабулі, маці або прабабулі ў гісторыі сям’і і краіны (сувязь пакаленняў праз жаночы лёс) (друкаваныя СМІ).

Для катэгорыі „Свой погляд“ арганізатары падрыхтавалі наступныя намінацыі: „Лепшыя аўтарскія матэрыялы“, прымеркаваныя да Года беларускай жанчыны» (рэпартаж, спецыяльны праект, які раскрывае вобраз сучаснай беларускі. Гераіня ў прафесіі, мацярынстве, грамадскім жыцці) (электронныя СМІ), «Лепшыя аўтарскія матэрыялы» «Мая малая радзіма: месцы сілы» (папулярызацыя ўнутранага турызму і любові да роднага краю) (электронныя СМІ), «Лепшы праект у новых медыя» (праект для лічбавых платформ (TikTok, Instagram, Telegram) (электронныя СМІ), «Лепшыя аўтарскія матэрыялы», прымеркаваныя да 85-годдзя пачатку Вялікай Айчыннай вайны" (рэпартаж аб пошукавых атрадах, вахтах памяці, аднаўленні імёнаў герояў. Сувязь пакаленняў у справе захавання гістарычнай праўды) (друкаваныя СМІ), «Лепшыя аўтарскія матэрыялы» — нарыс, спецыяльны праект (захаванне традыцыйных сямейных каштоўнасцей. Апавяданне аб шматдзетных сем’ях, сямейных дынастыях, пераемнасці прафесій і ўстояў) (друкаваныя СМІ), «Лепшы фотарэпартаж» (серыя здымкаў, аб’яднаная тэмай і часам. Падзея, людзі, эмоыі) (друкаваныя СМІ).

У катэгорыі «Медыяліга» можна паспрабаваць свае сілы ў намінацыях «Лепшыя аўтарскія матэрыялы» (спецыяльны праект або аналітычны рэпартаж аб жанчынах-кіраўніках, прадпрымальніках, палітыках Беларусі. Жаночы поспех у нацыянальным кантэксце) (электронныя СМІ), «Праект у новых медыя» (лепшы праект для лічбавых платформ TikTok, Instagram, Telegram) (электронныя СМІ), «Лепшая аператарская работа» (электронныя СМІ), «Лепшыя аўтарскія матэрыялы» «Першая паласа» (матэрыялы, апублікаваныя ў газетах і часопісах. Жанр — аналітычны артыкул, праблемная калонка, журналісцкае расследаванне. Ацэньваецца глыбіня прапрацоўкі тэмы, аўтарскі стыль, работа з крыніцамі, кампазіцыя тэксту і выразнасць мовы. Тэма свабодная, прыярытэт — грамадска значная праблематыка) (друкаваныя СМІ), «Інтэрв’ю: Дыялог з эпохай» (лепшае інтэрв’ю са знакавай фігурай сучаснасці) (друкаваныя СМІ), «Лепшыя аўтарскія матэрыялы» — нарыс, спецыяльны праект (захаванне традыцыйных сямейных каштоўнасцей. Апавяданне аб шматдзетных сем’ях, сямейных дынастыях, пераемнасці прафесій і ўстояў) (друкаваныя СМІ).

Конкурс праводзіцца ў тры этапы. Завочны пачынаецца з моманту афіцыйнага старту і прадоўжыцца да 16 кастрычніка. Гэта падача і адбор заявак. Заяўка і конкурсная работа накіроўваюцца ў электроннай форме на адрасы электроннай пошты абласных (Мінскага гарадскога) камітэтаў Беларускага рэспубліканскага саюза моладзі з улікам тэрытарыяльнага прынцыпу па месцы знаходжання ўстановы адукацыі (арганізацыі), у якой навучаецца (працуе) удзельнік конкурсу. Рэгіянальны (вочны) этап прадоўжыцца да 6 лістапада, а рэспубліканскі (вочны) этап — да 20 лістапада. Па выніках усіх этапаў конкурсу журы вызначыць 14 пераможцаў, узнагароджанне якіх пройдзе на Форуме маладых журналістаў у снежні.

Конкурс праводзіцца штогод для рэалізацыі задач дзяржаўнай інфармацыйнай палітыкі, садзейнічання прафесійнаму станаўленню маладых журналістаў сродкаў масавай інфармацыі, выяўлення таленавітай моладзі ў галіне журналістыкі, садзейнічання фарміраванню крытычна думаючай, медыядасведчанай асобы, фарміравання кадравага рэзерву маладых журналістаў. Арганізатары конкурсу — Міністэрства інфармацыі і Беларускі рэспубліканскі саюз моладзі.