У сакавіку 2026 года Прэзідэнт падпісаў Указ № 100 «Аб правядзенні экстракарпаральнага апладнення», які замацоўвае права на дзве бясплатныя спробы экстракарпаральнага апладнення (ЭКА) у дзяржаўных арганізацыях аховы здароўя. Гэтае права маюць як сямейныя пары, так і адзінокія жанчыны пры наяўнасці медыцынскіх паказанняў і адсутнасці супрацьпаказанняў. У выпадку, калі першая спроба скончылася нараджэннем дзіцяці, права на другое бясплатнае ЭКА захоўваецца.

Як расказаў Іван Курловіч, дзякуючы ўважліваму адбору пацыентаў эфектыўнасць ЭКА ў Беларусі дасягае 42%, што перавышае некаторыя сусветныя паказчыкі.

— Гэта рэальны ўклад у дэмаграфічную бяспеку і, што яшчэ больш важна, выкананне права жанчыны на мацярынства, калі прырода ставіць перашкоды, — адзначыў ён.