З радыяцыйна небяспечных зямель адчужэння выключаны зямельныя ўчасткі ў пяці раёнах Гомельскай вобласці. Адпаведную пастанову Савета Міністраў падпісаў прэм’ер-міністр Беларусі Аляксандр Турчын, паведамляе БелТА.
Дакумент прадугледжвае выключэнне зямельных участкаў у Брагінскім, Буда-Кашалёўскім, Веткаўскім, Мазырскім, Чачэрскім раёнах Гомельскай вобласці агульнай плошчай каля 374 га з радыяцыйна небяспечных зямель адчужэння і перавод іх у гаспадарчае выкарыстанне з забеспячэннем радыяцыйнага кантролю атрыманай прадукцыі.
Пастанова ўступае ў сілу з дня яе прыняцця.
