Пра гэта паведаміла начальнік аддзела электроннай камерцыі Нацыянальнага цэнтра электронных паслуг Святлана КАРАНЕВІЧ.

Праект рэалізаваны сумесна з МЗС і дае магчымасць заказу і атрымання на Адзіным партале электронных паслуг (АПЭП) уязной візы ў нашу краіну ў электронным выглядзе. Спажыўцамі гэтай паслугі з’яўляюцца простыя асобы — нерэзідэнты Беларусі. Доступ спажыўцоў да паслугі выдачы электронных віз ажыццяўляецца з дапамогай нястрогай аўтэнтыфікацыі (з выкарыстаннем лагіна і пароля або з выкарыстаннем знешніх сэрвісаў аўтэнтыфікацыі.

У выніку аказання паслугі выдачы электронных віз спажывец атрымлівае паведамленне аб выдачы электроннай візы і pdf-файл электроннай візы па форме, зацверджанай візавымі правіламі. Для верыфікацыі электроннай візы неабходна адсканаваць QR-код электроннай візы ў мабільным дадатку «Е-Паслуга».

«З запускам паслугі выдачы электронных віз мы спадзяёмся на істотнае пашырэнне геаграфіі спажыўцоў АПЭП», — лічыць Святлана Караневіч.

• На яе погляд, наша дзяржава дэманструе імклівае развіццё электронных паслуг, знаходзячыся ў сусветным рэйтынгу электроннага ўрада сярод краін з высокім узроўнем развіцця. Беларусь уваходзіць у топ-40 краін па гатоўнасці да электроннага ўрада і займае 32-е месца сярод 200 краін па ўзроўні развіцця электронных паслуг. У рэйтынгу ААН па электронным урадзе 2024 года Беларусь займае 77-е месца, але адносіцца да групы краін з высокім індэксам развіцця.

Начальнік аддзела камерцыі паведаміла, што сёлета працягнулася актыўная работа над пераводам адміністрацыйных працэдур у электронную форму. А гэта сотні і сотні рознага роду узаемадзеянняў як бізнесу, так і грамадзян з дзяржавай. Ужо цяпер у лічбе можна ажыццявіць пастаноўку дзіцяці на чаргу ў дзіцячы сад, дамагчыся прызначэння дапамогі па цяжарнасці і родах, устаноўкі зарадных станцый для электрамабіляў, атрымаць права на прадастаўленне субсідый, ільготных крэдытаў на будаўніцтва, а таксама на ўзгадненне перапланіроўкі жылля і многае іншае.

На 2025 год прадугледжаны пералік з парадку 190 адміністрацыйных працэдур для іх лічбавізацыі. Да канца года з’явяцца каля 70 працэдур у сферы ліцэнзавання, па адчужэнні кватэр і жылых дамоў, аб прыняцці на ўлік грамадзян, якія маюць патрэбу ў паляпшэнні жыллёвых умоў, аб прадастаўленні арэнднага жылля, аб выдачы даведкі аб кошце будаўніцтва (рэканструкцыі) аднакватэрнага жылога дома або кватэры, па рэгістрацыі дагавора найму жылых памяшканняў, па пастаноўцы на ўлік дзяцей у дзіцячыя сады і іншыя.

Сяргей КУРКАЧ