З-за неспрыяльных умоў надвор’я на перагоне Княгінін - Куранец адбылося падзенне дрэў на чыгуначныя пуці. Асобныя цягнікі на гэтым напрамку ідуць з адхіленнем ад графіка руху. Пра гэта БелТА паведамілі ў прэс-цэнтры БЧ.
Так, цягнік № 625 Віцебск — Мінск адпраўленнем з Віцебска 6 жніўня ў 21.35 і прыбыццём у Мінск 7 жніўня ў 6.26 прыбудзе на канцавую станцыю з затрымкай арыенціровачна больш за дзве гадзіны. Таксама цягнік № 6621 Крулеўшчызна - Маладзечна адпраўленнем са станцыі Крулеўшчызна ў 4.37 і прыбыццём у Маладзечна ў 6.55 прыбудзе на канцавую станцыю з затрымкай больш за гадзіну.
Беларуская чыгунка прымае ўсе магчымыя меры па ліквідацыі наступстваў непагадзі і скарачэнні часу спазнення цягнікоў. На месца выкліканая брыгада МНС.
Больш падрабязную інфармацыю можна атрымаць па тэлефоне 105 кантакт-цэнтра БЧ. Беларуская чыгунка просіць пасажыраў з разуменнем паставіцца да сітуацыі, якая склалася, і ўлічваць дадзеную акалічнасць пры планаванні сваіх паездак.
