Паводле звестак Белстата, у студзені-красавіку гэтага года арганізацыямі ўсіх формаў уласнасці пабудавана 11,1 тысячы новых кватэр. Уведзена ў эксплуатацыю 1147 тысяч квадратных метраў агульнай плошчы жылля.

— Для грамадзян, якія стаяць на ўліку тых, хто мае патрэбу ў паляпшэнні жыллёвых умоў, уведзена ў эксплуатацыю 355,9 тысячы «квадратаў» агульнай плошчы, або 31 % ад агульнага аб’ёму ўведзенага жылля, растлумачылі ў ведамстве.

Тут дадалі, што з агульнага аб’ёму ўведзенага жылля для грамадзян, якія знаходзяцца на ўліку маючых патрэбу ў паляпшэнні жыллёвых умоў, з выкарыстаннем дзяржаўнай падтрымкі пабудавана 215 тысяч квадратных метраў.

Што датычыцца сельскіх населеных пунктаў, тут уведзена ў эксплуатацыю 518,5 тысячы «квадратаў» агульнай плошчы жылля, або 45,2 % ад агульнага ўводу па краіне.

Фота Sputnik.by.