За чатыры гады ў Беларусі рэалізавалі 116 буйных мерапрыемстваў па будаўніцтве турыстычнай інфраструктуры. Аб гэтым расказала намеснік дырэктара дэпартамента па турызму Міністэрства спорту і турызму Кацярына Ганчаронак, паведамляе БелТА. 

«У цэлым па Беларусі рэалізавалі 116 буйных мерапрыемстваў па будаўніцтву інфраструктуры за мінулыя 2021-2024 гады. Нумарны фонд за гэты час узрос на больш як 1 тыс. дадатковых месц па краіне», — адзначыла Кацярына Ганчаронак.

• На выставе «Адпачынак», якая праходзіць у Беларусі ў сакавіку, заўжды праводзіцца прэзентацыя новых аб’ектаў. «Так, па выніках гэтага года ў Гродне адкрываецца атэль „Нёман“. А ў 2024 годзе пачаў ужо функцыянаваць новы аб’ект у Пінску», — звярнула ўвагу намеснік дырэктара.