Дзякуючы аператыўнасці супрацоўнікаў органаў унутраных спраў і пільнасці грамадзян пераважная большасць злачынстваў прадухілена.

«Зарэгістравана 13 злачынстваў, учыненых з выкарыстаннем інфармацыйна-камунікацыйных тэхналогій. Аддзелам арганізацыі апрацоўкі махлярскіх аперацый МУС заблакіравана магчымасць плацяжоў у адрас 17 замежных плацежных рэквізітаў, якія выкарыстоўваюцца зламыснікамі», — паведамілі ў прэс-службе.

Па спосабе ўчынення проціпраўных дзеянняў лідзіруе вішынг ад імя службовых асоб (тэлефонныя махлярствы). Затым ідуць крадзяжы з выкарыстаннем сацсетак, гандаль на фінансавых біржах і вымаганне.

У міліцыі нагадваюць: прапановы хуткага і лёгкага заробку або куплі тавараў па значна зніжанай цане ў інтэрнэце нязменна звязаны з рызыкай страты грошай.

Залатое правіла пры размове з ашуканцамі па тэлефоне — спыніць размову і паведаміць у міліцыю па нумары 102.