За мінулыя суткі ў міліцыю паступіла звыш 200 паведамленняў аб званках тэлефонных аферыстаў, паведамілі БелТА ў прэс-службе МУС.
Дзякуючы аператыўнасці супрацоўнікаў органаў унутраных спраў і пільнасці грамадзян пераважная большасць злачынстваў прадухілена. Зарэгістравана 18 злачынстваў, учыненых з выкарыстаннем інфармацыйна-камунікацыйных тэхналогій.
Аддзелам арганізацыі апрацоўкі махлярскіх аперацый МУС заблакіравана магчымасць плацяжоў па 30 замежных рэквізітах зламыснікаў.
Па спосабе ўчынення проціпраўных дзеянняў лідзіруе купля тавараў у інтэрнэце. Затым ідуць вішынг ад імя службовых асоб (тэлефонныя махлярствы), крадзяжы з выкарыстаннем сацсетак і гандаль на фінансавых біржах.
Работа па выяўленні і спыненні махлярскіх дзеянняў прадаўжаецца.
Праваахоўнікі нагадалі, што прапановы хуткага і лёгкага заработку або куплі тавараў па значна зніжанай цане ў інтэрнэце нязменна звязаны з рызыкай страты грошай. Залатое правіла пры размове з махлярамі па тэлефоне — спыніць размову і паведаміць у міліцыю па нумары 102.