Дакумент прадугледжвае будаўніцтва, рэканструкцыю ў 2026-2030 гадах спецыялізаваных комплексаў па вырошчванні і адкорме бычкоў у сельскагаспадарчых або перапрацоўчых арганізацыях, якія ажыццяўляюць вытворчасць сельгаспрадукцыі. Гэтыя арганізацыі будзе вызначаць Савет Міністраў па пераліку на падставе сфарміраваных аблвыканкамамі прапаноў. 

Указам устанаўліваюцца ўмовы рэалізацыі інвестыцыйных праектаў і патрабаванні, якім яны павінны адпавядаць. Распрацоўка праектнай дакументацыі можа весціся паралельна з будаўніцтвам і рэканструкцыяй спецыялізаваных комплексаў.

Прадугледжваецца прадастаўленне субсідый на выплату працэнтаў за карыстанне крэдытамі на раўнадолевай аснове за кошт сродкаў рэспубліканскага і мясцовых бюджэтаў, а таксама парадак і ўмовы іх прадастаўлення. Акрамя таго, магчыма прадастаўленне крэдытных рэсурсаў ААТ «Банк развіцця Рэспублікі Беларусь» з тэрмінам да 20 гадоў і выплатай працэнтаў у памеры стаўкі рэфінансавання Нацыянальнага банка. Пры гэтым замацаваны ліміт крэдытавання з разліку 85 базавых велічынь на адно жывёла-месца.

Указ накіраваны на паляпшэнне матэрыяльна-тэхнічнай базы мясной галіны і павышэнне эфектыўнасці вытворчасці мяса ялавічыны.

Кіраўнік дзяржавы неаднаразова заяўляў аб сваім безумоўным патрабаванні па належным утрыманні і недапушчэнні падзяжу буйной рагатай жывёлы, асабліва маладняку. «Нам трэба прыстасаваць (вопыт перадавых гаспадарак. — Заўв. БелТА), недзе мадэрнізаваўшы старыя фермы, ператварыць іх у малочнатаварныя комплексы. Трэба сучаснае ўтрыманне жывёлы», — ставіў задачу беларускі лідар на семінары-нарадзе ў Мінскім раёне ў чэрвені 2025 года.