Дзякуючы аператыўнасці супрацоўнікаў органаў унутраных спраў і пільнасці грамадзян пераважная большасць злачынстваў папярэджана! Зарэгістравана 37 злачынстваў, учыненых з выкарыстаннем інфармацыйна-камунікацыйных тэхналогій.

Аддзелам арганізацыі апрацоўкі ашуканскіх аперацый МУС ініцыявана блакіроўка двух фішынгавых інтэрнэт-рэсурсаў (падробленыя гандлёвыя пляцоўкі, банкі або сэрвісы, неадрозныя ад сапраўдных), заблакаваная магчымасць здзяйснення плацяжоў у адрас 45 замежных плацежных рэквізітаў, якія выкарыстоўваюцца зламыснікамі, прыпыненыя расходныя аперацыі па 36 рахунках.

Аператыўнікамі затрыманы чацвёра кур’ераў, якія працавалі ў інтарэсах аферыстаў, у тым ліку адзін іншаземец. Па спосабе ўчынення супрацьпраўных дзеянняў лідзіруе купля тавараў на інтэрнэт-пляцоўках. Затым ідуць вішынг ад імя службовых асоб (тэлефонныя махлярствы), фішынг і гандаль на фінансавых біржах.

Работа па выяўленні ашуканскіх дзеянняў працягваецца.

У міліцыі нагадваюць: прапановы хуткага і лёгкага заробку або пакупкі тавараў па значна зніжаным кошце ў інтэрнэце нязменна звязаныя з рызыкай страты грошай. Залатое правіла пры зносінах з ашуканцамі па тэлефоне — спыніць размову і паведаміць у міліцыю па нумары 102.