Забароны на наведванне лясоў дзейнічаюць у 13 раёнах Беларусі. Пра гэта сведчыць інтэрактыўная карта Міністэрства лясной гаспадаркі, паведамляе БелТА.
Поўная забарона на наведванне лясоў захоўваецца ў Бераставіцкім, Ваўкавыскім і Свіслацкім раёнах Гродзенскай вобласці. Такая мера ўведзена таксама ў Лельчыцкім раёне Гомельскай вобласці.
Чырвоным колерам на інтэрактыўнай карце абазначаны і пяць раёнаў Брэсцкай вобласці: Ганцавіцкі, Іванаўскі, Лунінецкі, Пінскі, Столінскі. Таксама забароны закранулі чатыры раёны Мінскай вобласці — Вілейскі, Дзяржынскі, Мінскі і Салігорскі.
Ва ўсіх астатніх раёнах краіны наведванне лясоў абмежавана.
