Дакумент распрацаваны ў мэтах удасканалення заканадаўства ў галіне меліярацыі зямель з улікам практыкі яго прымянення, а таксама стварэння ўмоў для аператыўнага ўключэння меліяраваных зямель у сельскагаспадарчы абарот і эфектыўнага іх выкарыстання.

Праектам закона, у прыватнасці, прадугледжваецца пашырэнне паўнамоцтваў Міністэрства сельскай гаспадаркі і харчавання, абласных і раённых выканкамаў у галіне меліярацыі зямель.

Замацоўваецца на заканадаўчым узроўні тэрмін уключэння меліяраваных зямель у сельскагаспадарчы абарот.

Акрамя таго, прадугледжана ўдакладненне забарон на гаспадарчую і іншую дзейнасць на меліяраваных землях, правядзенне меліярацыі зямель.

Галаўной камісіяй па законапраекце вызначана Пастаянная камісія па аграрнай палітыцы Палаты прадстаўнікоў.