Нашу каманду на кантынентальным форуме прадстаўляюць тры спартсмены. Сярэбраны прызёр Алімпійскіх гульняў у Парыжы ў мужчынскай адзіночцы Яўген Залаты выйграў свой папярэдні заезд з вынікам 6 мін. 38,51 сек., апярэдзіўшы сапернікаў са Славеніі, Турцыі, Італіі, Даніі і Польшчы.

Таксама паўфіналісткай чэмпіянату Еўропы ў жаночай адзіночцы стала Таццяна Клімовіч. У сваім адборачным заездзе беларуска фінішавала другой (7:23,95) услед за ірландкай Фіёнай Мерта, пакінуўшы ззаду дзяўчат з Расіі, Германіі, Румыніі і Фінляндыі.

Барацьбу за выхад у фіналы Залаты і Клімовіч павядуць 30 мая. Раней сёння ў вырашальны заезд у мужчынскай адзіночцы лёгкай вагі выйшаў наш Мікіта Карнееў, розыгрыш узнагарод з удзелам беларуса адбудзецца 31 мая.