Міністэрства падаткаў і збораў нагадвае, што падрыхтавацца да зменаў неабходна загадзя. Вызначаны наступныя тэрміны завяршэння работ па пераходзе на новае (дапрацаванае пад новыя патрабаванні) касавае абсталяванне:

• да 1 студзеня 2025 г. — у суб’ектаў гаспадарання, якія ажыццяўляюць продаж тавараў, якія падлягаюць маркіроўцы уніфікаванымі кантрольнымі знакамі або сродкаміідэнтыфікацыі;
• да 1 красавіка 2025 г. — у суб’ектаў гаспадарання, якія не ажыццяўляюць продаж маркіраваных тавараў.

Тэрміны пераходу на новае касавае абсталяванне пераносіцца не будуць.

З 1 ліпеня 2025 г. за выкарыстанне касавага абсталявання, якое не адпавядае новым патрабаванням, суб’екты гаспадарання будуць несці адміністрацыйную адказнасць па артыкуле 13.15 КаАП, які прадугледжвае накладанне штрафу ў памеры да 50 базавых велічынь, на індывідуальнага прадпрымальніка — да 100 базавых велічынь, на юрыдычную асобу — да 200 базавых велічынь.

Патрабаванні да касавага абсталявання вызначаны:

1. пастановай Міністэрства па падатках і зборах Рэспублікі Беларусь і Дзяржаўнага камітэта па стандартызацыі Рэспублікі Беларусь ад 14 кастрычніка 2022 г. № 29/99 «Аб патрабаваннях да касавых падсумоўваючых апаратаў, у тым ліку сумешчаных з таксометрамі, білетадрукавальных машын»;
2. пастановай Міністэрства па падатках і зборах Рэспублікі Беларусь ад 29 сакавіка 2018 г. № 10 «Аб патрабаваннях да праграмнай касавай сістэмы, праграмнай касе, аператару праграмнай касавай сістэмы і аб працы камісіі па ацэнцы на адпаведнасць гэтым патрабаванням» (у рэд. пастаноў Міністэрства па падатках і зборах Рэспублікі Беларусь ад 29 снежня 2022 г. № 41 і ад 15 сакавіка 2024 г. № 8).