Абвінавачаны прагульваўся па пр. Незалежнасці і ўбачыў самакат. Не зведваючы згрызот сумлення, замежнік паехаў на ім дадому на вул. Ульянаўскай.

Неўзабаве ў дзверы пазванілі супрацоўнікі міліцыі — яны вылічылі злодзея па запісах камер відэаназірання. Выкрадзены самакат канфіскавалі, а ў дачыненні да замежніка распачалі крымінальную справу. Віну ён цалкам прызнаў, у зробленым раскаяўся.

— Абвінавачаны працаўладкаваны слесарам на адным са сталічных прадпрыемстваў, на ўтрыманні мае малалетняе дзіця, раней да крымінальнай і адміністрацыйнай адказнасці не прыцягваўся, — пракаментавала старшы памочнік пракурора Першамайскага раёна Юлія Лугаўская. — Суд прызнаў яго вінаватым у выкраданні маёмасці (крадзяжы) і на падставе ч. 1 арт. 205 КК прызначыў пакаранне ў выглядзе штрафу сумай 35 базавых адзінак (1 470 рублёў).

Прыгавор не ўступіў у сілу, можа быць абскарджаны або апратэставаны ва ўстаноўленым законам парадку.