Як расказалі ў ведамстве, жыхарка Гродна 1989 года нараджэння, будучы ў стане алкагольнага ап’янення, вырашыла заплысці за буйкі на возеры Юбілейным. Жанчына не разлічыла сілы і пачала тануць. Дзяжурныя ратавальнікі АСВОД своечасова заўважылі здарэнне. Матрос-выратавальнік на вяслярнай лодцы аператыўна падплыў да жанчыны, утрымаў яе на паверхні і выклікаў выратавальны катэр для транспарціроўкі.