На адзіным партале электронных паслуг «Е-Паслуга» спажыўцам даступны новыя адміністрацыйныя працэдуры Міністэрства ўнутраных спраў: 200.13.1 «Рэгістрацыя па месцы жыхарства грамадзян Рэспублікі Беларусь, замежных грамадзян і асоб без грамадзянства, якія пастаянна пражываюць у Рэспубліцы Беларусь» і 200.13.2 «Рэгістрацыя па месцы знаходжання грамадзян Рэспублікі Беларусь, замежных грамадзян і асоб без грамадзянства, якія пастаянна пражываюць у Рэспубліцы Беларусь».

Адміністрацыйныя працэдуры даступны для заказу фізічным асобам (грамадзянам Беларусі, замежным грамадзянам і асобам без грамадзянства, якія пастаянна пражываюць у Рэспубліцы Беларусь) са строгай аўтэнтыфікацыяй (з выкарыстаннем асабістага электроннага лічбавага подпісу або ID-карты). Яны ажыццяўляюцца органамі ўнутраных спраў бясплатна для непаўналетніх, састарэлых грамадзян і інвалідаў, якія жывуць у дзяржаўных стацыянарных арганізацыях сацыяльнага абслугоўвання; 0,5 базавай велічыні — для іншых асоб.

Акрамя таго, на партале даступна новая электронная паслуга МУС 3.77.03 «Паведамленне аб заключэнні (працягненні тэрміну дзеяння) або спыненні працоўнага дагавора з працаўніком-імігрантам». Спажыўцамі электроннай паслугі з’яўляюцца юрыдычныя асобы, індывідуальныя прадпрымальнікі, замежныя арганізацыі, якія ажыццяўляюць наём працаўнікоў-імігрантаў для работы ў сваім прадстаўніцтве (філіяле), створаным у Беларусі і інш. Спажыўцы маюць права на бязвыплатнае атрыманне паслугі ў адпаведнасці з пунктам 4 указа Прэзідэнта Беларусі ад 21 мая 2025 года № 202 «Аб павышэнні ролі наймальнікаў у галіне знешняй працоўнай міграцыі».