«Асноўнае — не нарабі шкоды. Мы з вамі выдатна разумеем, што ёсць людзі эмпатычныя, якія перажываюць і гатовы кінуцца ратаваць чалавека, нават не маючы пэўных навыкаў. І гэта добрае дзеянне дапамагае ратаваць чалавека», — сказаў Аляксандр Хаджаеў.

Паводле яго слоў, дапамога можа спатрэбіцца ў розных сітуацыях: людзі не толькі страчваюць прытомнасць, але могуць аказацца ў небяспецы пасля аварыі. «Нехта лепш сябе адчувае і пры гэтым бачыць, як у кагосьці цячэ кроў. Маючы вопыт, успамінаючы, што рабіў у школьныя гады, ён можа аказаць дапамогу. Можа, і школьнікі ў нейкай крызіснай сітуацыі змогуць аказаць дапамогу дарослым, калі будуць адчуваць сябе лепш і будуць ведаць, што рабіць», — сказаў міністр.

Таму кампетэнцыі, якія атрымаюць школьнікі ў час акцыі сёлета, пашыраны. «Цікавасць у школьнікаў ёсць. Мы гэта бачылі, мы размаўлялі з імі і разумеем, што на сённяшні дзень цікавасць датычыцца не толькі тых навыкаў, якім вучылі мінулы раз, але таксама ёсць запыт на пашырэнне функцыяналу», — сказаў ён.

Праект «Запусці сэрца», паводле слоў Аляксандра Хаджаева, з’яўляецца своеасаблівым каменем у фундаменце разумення таго, як важна заставацца людзьмі, не праходзіць міма ў складанай сітуацыі, у якой апынуліся блізкія і не толькі блізкія людзі.

Праект мае комплексны характар, вырашае не толькі пытанне прафарыентацыі школьнікаў, але таксама мае аб’яднальную мэту, адзначыў міністр. Ён дазваляе аб’яднаць членаў грамадства, якія жывуць у адной краіне, добрай мэтай — навучыцца змагацца за жыццё кожнага, спачуваць і суперажываць.

Прадаўжаючы тэму прафарыентацыі, Аляксандр Хаджаеў звярнуў увагу, што дзяцей, у якіх з’яўляецца цікавасць і неабходнасць адточваць навыкі, будуць трымаць у полі зроку. Ды і самім удзельнікам праект цікавы з пункту гледжання прафарыентацыі: у час узаемадзеяння на такіх акцыях можна ацаніць сваю прафпрыгоднасць.

У цэлым, паводле яго слоў, рэалізацыя гэтага праекта — пытанне, якое патрабуе вельмі ўважлівага і якаснага выканання.

Міністр адукацыі Андрэй Іванец нагадаў, што акцыя «Запусці сэрца» ў Беларусі праходзіць ужо другі раз і ўсе дзесяцікласнікі краіны будуць мець магчымасць прыняць у ёй удзел. Плануецца, што ў рамках шостага школьнага дня да мая больш за 20 тыс. школьнікаў стануць яе ўдзельнікамі.

«Сёння для нашых старшакласнікаў ёсць адпаведныя вучэбныя прадметы. Гэта пачатковая медыцынская падрыхтоўка, гэта дапрызыўная падрыхтоўка. Упэўнены, што дзяўчаты, якія пройдуць сёння адпаведны курс навучання, выдатна справяцца з вучэбным прадметам. Але для нашых хлопцаў і дзяўчат з гэтага навучальнага года, для дзесяцікласнікаў, будуць двухтыднёвыя вучэбна-палявыя зборы, і кожны малады чалавек зведае, што такое аддаць доўг сваёй радзіме», — сказаў міністр.