Першая яркая астранамічная з’ява адбудзецца 7 верасня - гэта будзе поўнае зацьменне Месяца. Працягласць поўнай фазы зацьмення складзе 1 гадзіну 22 хвіліны (з 20.30 да 21.52). У такія моманты спадарожнік Зямлі можа змяніць колер і набыць чырванаватае адценне. Большая частка жыхароў РФ і краін СНД зможа ўбачыць усе фазы зацьмення.

Зацьменне Венеры адбудзецца 19 верасня і будзе відаць на светлым небе. Як расказалі спецыялісты, Венера схаваецца за Месяцам у 15.18 і з’явіцца зноў у 16.13. Гэту з’яву можна будзе назіраць у еўрапейскай частцы Расіі і ў Маскве.

Частковае зацьменне Сонца адбудзецца 21 верасня. Яно пачнецца ў 20.30 і завершыцца ў 0.54. Яго можна будзе назіраць на тэрыторыі Антарктыды, на поўдні Аўстраліі, а таксама ў акваторыях Ціхага і Атлантычнага акіянаў. Максімальна закрытае Сонца ўбачаць жыхары Новай Зеландыі, некаторых астравоў Ціхаакіянскага рэгіёна і ў Антарктыдзе. У Расіі і іншых краінах Паўночнага паўшар’я зацьменне не будзе назірацца.