Пастановай вызначана, што ажыццяўленне кантролю за выкананнем даручэнняў і рашэнняў Прэзідэнта, Савета Міністраў, прэм’ер-міністра і яго намеснікаў мае бесперапынны, папераджальны характар зыходзячы з неабходнасці якаснага, поўнага і своечасовага іх выканання.

Гэтай інструкцыяй зацверджаны парадак арганізацыі выканання і кантролю за выкананнем даручэнняў і рашэнняў Прэзідэнта, Саўміна, прэм’ер-міністра і яго намеснікаў у Апараце Савета Міністраў, рэспубліканскіх органах дзяржаўнага кіравання і іншых арганізацыях, падпарадкаваных Савету Міністраў Рэспублікі Беларусь, мясцовых выканаўчых і распарадчых органах. Прэм’ер-міністр, яго намеснікі, кіраўнікі дзяржаўных органаў арганізуюць выкананне і кантроль за выкананнем даручэнняў, нясуць персанальную адказнасць за якасць, паўнату і своечасовасць выканання даручэнняў. На кіраўнікоў дзяржаўных органаў таксама ўскладаецца персанальная адказнасць за якасць, паўнату і своечасовасць прадстаўлення ў Савет Міністраў дакументаў, што падрыхтоўваюцца ў сувязі з выкананнем даручэнняў і рашэнняў Саўміна, прэм’ер-міністра і яго намеснікаў.

Кантроль за выкананнем даручэнняў ажыццяўляецца з выкарыстаннем сістэм электроннага дакументаабароту і кантролю за выкананнем даручэнняў у дзяржаўных органах, калі іншае не ўстаноўлена Прэзідэнтам.

Прэм’ер-міністр, яго намеснікі і кіраўнікі дзяржаўных органаў забяспечваюць арганізацыю неадкладнага выканання тэрміновых даручэнняў, не чакаючы атрымання пратаколаў нарад або пісьмовых рэзалюцый. Даручэнні і рашэнні Прэзідэнта, прэм’ер-міністра і яго намеснікаў, у тым ліку вусныя, падлягаюць выкананню ў парадку і тэрміны, імі ўстаноўленыя. Апарат Савета Міністраў накіроўвае даручэнні Саўміна, прэм’ер-міністра і яго намеснікаў зацікаўленым не пазней за адзін рабочы дзень, што ідзе за днём іх падпісання. Аб тэрміновых і вельмі тэрміновых даручэннях кіраўнікі дзяржаўных органаў, названыя ў такіх даручэннях, да іх накіравання ў дзяржаўныя органы вусна інфармуюцца, як правіла, кіраўніком адпаведнага структурнага падраздзялення Апарата Савета Міністраў.

Пастановай таксама акрэслены адказныя і іх абавязкі, тэрміны выканання даручэнняў, выкладзены абавязкі кантралюючых органаў.

Акрамя таго, згодна з апублікаваным дакументам страцілі сілу пастанова Савета Міністраў ад 20 мая 2011 г. нумар 642 «Аб некаторых пытаннях дзейнасці Урада Рэспублікі Беларусь», пастанова Савета Міністраў Рэспублікі Беларусь ад 31 снежня 2013 г. нумар 1185 «Аб унясенні змяненняў і дапаўненняў у пастанову Савета Міністраў Рэспублікі Беларусь ад 20 мая 2011 г. нумар 642», пастанова Савета Міністраў Рэспублікі Беларусь ад 27 сакавіка 2017 г. нумар 223 «Аб унясенні дапаўненняў у пастанову Савета Міністраў Рэспублікі Беларусь ад 20 мая 2011 г. нумар 642».

Гэта пастанова ўступае ў сілу пасля яе афіцыйнага апублікавання.