Лідары краін цёпла развіталіся. На цырымоніі ў аэрапорце разам з членамі дэлегацый прысутнічалі некалькі сотняў чалавек і аркестр.

Аляксандр Лукашэнка і Кім Чэн Ын 26 сакавіка правялі ў Пхеньяне афіцыйныя перагаворы, заявіўшы аб пачатку новага этапу ў адносінах дзвюх краін. Па выніках перагавораў падпісаны Дагавор аб дружбе і супрацоўніцтве паміж Беларуссю і КНДР. Бакі таксама заключылі каля дзясятка пагадненняў і мемарандумаў па супрацоўніцтве ў канкрэтных сферах, уключаючы адукацыю, ахову здароўя, сельскую гаспадарку, культуру, фізкультуру і спорт, інфармацыйную сферу, узаемадзеянне па лініі БелГПП і МЗС.

Кіраўнік беларускай дзяржавы прыняў удзел у афіцыйным прыёме ад імя лідара КНДР. «Нашы краіны вельмі падобныя. Падобныя нашымі народамі — працавітымі, вельмі трапятліва адносяцца да сваёй справы», — сказаў Прэзідэнт, падняўшы тост за народы Беларусі і КНДР.

Аляксандр Лукашэнка разам з Кім Чэн Ынам наведаў прымеркаваны да візіту ўрачысты канцэрт, на якім карэйскія артысты выканалі як нацыянальныя творы, так і вядомыя беларускія песні.