У ліпені працягнуў зніжацца ўзровень валютызацыі эканомікі. Доля рублёвага складніка ў сярэдняй шырокай грашовай масе ўзрасла да 68,6% з 63,3% годам раней.

Назіраецца апераджальны рост рублёвага сегмента грашовай прапановы. Сярэдняя рублёвая грашовая маса павялічылася на 29,5%, а сярэдняя шырокая грашовая маса — на 19,5%.

Захоўваецца ўстойлівы рост зберажэнняў насельніцтва ў нацыянальнай валюце. Сярэдняя велічыня тэрміновых рублёвых дэпазітаў павялічылася ў гадавым выражэнні на 28%, у тым ліку фізічных асоб — на 40,3%.