Матч у іспанскім горадзе Эль Пуэрта дэ Санта Марыя пачнецца ў 17.00 па мінскім часе (прамая трансляцыя на тэлеканале «Беларусь 5»). У другім сённяшнім паядынку групы А згуляюць зборныя Чэхіі і Партугаліі. У другім туры 21 мая беларусы будуць сапернічаць з чэхамі, а 22 мая завершаць папярэдні этап паядынкам з партугальцамі. У квартэце В выступяць зборныя Літвы, Польшчы, Іспаніі і Швейцарыі. У паўфінал выйдуць па дзве лепшыя каманды з кожнай групы. Матчы плэй-оф пройдуць 23 і 24 мая.

Пад кіраўніцтвам галоўнага трэнера беларусаў іспанскага спецыяліста Нікаласа Альварада да старту ў Еўралізе рыхтаваліся 15 футбалістаў: варатары — Міхаіл Аўгустаў, Уладзімір Усціновіч; палявыя ігракі — Ігар Брыштэль, Алег Гапон, Ягор Гардзецкі, Арцемій Дрозд, Аляксандр Кірылаў, Уладзіслаў Кананенка, Іван Канстанцінаў, Яўген Новікаў, Юрый Пятроўскі, Анатоль Рабко, Максім Харытонаў, Мікіта Чайкоўскі, Максім Яблонскі.

У пачатку жніўня, пасля фінішу адборачнага турніру, вызначацца восем удзельнікаў суперфіналу, які адбудзецца 8-13 верасня ў італьянскім Віярэджа. У мінулым годзе беларусы трэці раз запар сталі бронзавымі прызёрамі Еўралігі, а ў 2021 годзе яны былі ўладальнікамі серабра галоўнага кантынентальнага турніру. На чэмпіянаце свету 2025 года зборная Беларусі заваявала сярэбраныя медалі, уступіўшы ў фінале бразільцам. Год таму ў вырашальным паядынку Еўралігі зборная Італіі перамагла іспанцаў, заваяваўшы свой чацвёрты тытул.