Ежа ў школах павінна быць смачнай, здаровай і каб дзеці хацелі яе есці. Гэта падкрэсліла намеснік Прэм’ер-міністра Наталля Пяткевіч на пасяджэнні круглага стала ў СШ № 2 Фаніпаля, дзе галоўнай тэмай абмеркавання стала выкарыстанне паўфабрыкатаў для арганізацыі школьнага харчавання, перадае БелТА.
Як адзначыла Наталля Пяткевіч, дзеці вялікую колькасць часу праводзяць у школе і пытанне харчавання заўсёды застаецца актуальным. «Кіраўнік дзяржавы заўсёды скрупулёзна сочыць за гэтай тэмай, патрабуючы самай пільнай увагі да арганізацыі школьнага харчавання з пункту гледжання якасці і недапушчэння парушэнняў. У плане арганізацыі школьнага харчавання мы падышлі глабальна. Дзеці ў школу перш за ўсё прыходзяць вучыцца, і акцэнт у харчаванні трэба рабіць у першую чаргу на тым, што яно павінна быць падтрымліваючым. Задача для школ — каб гэта было здаровае, якаснае, сытнае харчаванне. І самым галоўным паказчыкам будзе, калі дзеці будуць ахвотна гэта есці», — падкрэсліла намеснік Прэм’ер-міністра.
