У красавіку жыхарка Гродна вырашыла набыць свечку з Іерусаліма. Яна спадзявалася на ўнікальныя гаючыя ўласцівасці свечкі і была гатова заплаціць 800 еўра, якіх, дарэчы, у яе не было.

Па дадзеных следства, жанчына падала заяўку на крэдыт, у якім ёй у наступным адмовілі. Жадаючы займець свечку, жанчына набыла дарагі тэлефон, адразу перапрадала яго, каб атрымаць грошы.

У гэты момант на сытуацыю звярнулі ўвагу супрацоўнікі міліцыі. Яны растлумачылі, што падобным чынам ашуканцы спрабуюць завалодаць грашыма жанчыны. Аднак вера ў тое, што гэтыя свечкі змогуць наладзіць яе жыццё, аказалася мацнейшай.

На наступны дзень пасля размовы з праваахоўнікамі яна перавяла на названы ашуканцамі рахунак без малога Br2,8 тыс.

Гродзенскім міжраённым аддзелам Следчага камітэта ўзбуджана крымінальная справа па ч.1 арт.209 КК (махлярства). Цяпер праводзіцца комплекс следчых дзеянняў і аператыўна-вышуковых мерапрыемстваў, накіраваны на ўстанаўленне асобы, якая ўчыніла злачынства.