Камунальныя службы для забеспячэння камфорту і бяспекі руху пешаходаў і вадзіцеляў працуюць у кругласутачным рэжыме. Вядзецца пастаянны маніторынг вулічна-дарожнай сеткі. Аб гэтым паведамляе БелТА.
На працягу дня ў прыборцы снегу было задзейнічана 1606 адзінак тэхнікі:
- 341 раскідвальнік пяску і солі;
- 925 снегапрыбіральных машын;
- 340 машын і іншай тэхнікі для пагрузкі і вывазу снегу.
Больш за 7160 работнікаў ЖКГ ачышчалі ад снегу і пасыпалі пясчана-салянымі сумесямі вуліцы, тратуары, дваровыя тэрыторыі.
Да работы па расчыстцы снегу дадаткова былі прыцягнуты 234 адзінкі спецыяльнай тэхнікі і 150 работнікаў іншых арганізацый.
