Асаблівы тон у гэтую пятніцу задаў Прэзідэнт Беларусі Аляксандр Лукашэнка, калі асабіста ўзяўся за расчыстку сумётаў. «Калі Прэзідэнт бярэ лапату ў рукі — журналісты не адстаюць! Асабліва, калі іншым патрэбна дапамога», — падкрэсліваюць аўтары рэсурсу.

У выніку за некалькі гадзін журналісты прэзідэнцкага пула расчысцілі ўсе дарогі на тэрыторыі Мінскага гарадскога сацыяльнага пансіяната «Крыніца». Тут 440 жыхароў, у тым ліку пажылыя людзі і калясачнікі. Дзякуючы дапамозе па расчыстцы снегу цяпер будзе лягчэй арганізаваць падвоз ежы, пры неабходнасці забяспечыць своечасовую медыцынскую дапамогу.