Такі спосаб захаваць сямейныя адносіны выбраў 65-гадовы мужчына, які пражыў са сваёй жонкай не адзін дзясятак гадоў. Яны выгадавалі і выхавалі дваіх дзяцей. Сям’я, якую ўсе характарызавалі як станоўчую, цалкам падыходзіла пад апісанне ўзорнай — муж алкаголем не злоўжываў, у сямейных канфліктах раней заўважаны не быў.

Аднак аднойчы ўвечары муж з жонкай пасля вячэры размаўлялі на кухні. У які менавіта момант размова зайшла так далёка, што прывяла да сумных наступстваў, пазней ні адзін з сужэнцаў патлумачыць не змог. Але ў размове жонка прызналася, што ўжо даўно здраджвае мужу і поўная рашучасці развесціся. Гэта інфармацыя так уразіла мужчыну, што ён вырашыў спыніць яе любым спосабам. Ён задумаў пазбавіцца ад дакументаў жонкі: дастаў з сумачкі жонкі яе дакумент, абліў яго лёгкаўзгаральнай вадкасцю і падпаліў прама на дыванку ўваходных дзвярэй, жадаючы разам з пашпартам спаліць увесь дом. Дзякуючы неабыякавым відавочцам бяды ўдалося пазбегнуць. Следчыя далі прававую ацэнку дзеянням фігуранта, распачата крымінальная справа за пашкоджанне асабістага дакумента.

Праваахоўнікі таксама далі некалькі парад па забеспячэнні сваёй бяспекі. Калі спрэчкі не пазбегнуць, паспрабуйце выбраць для яе пакой, з якой можна ў выпадку неабходнасці лёгка выйсці. Старайцеся пазбягаць спрэчак у ванным пакоі, кухні, дзе ёсць вострыя і рэжучыя прадметы. Дамоўцеся з суседзямі, каб яны выклікалі міліцыю, калі пачуюць шум і крыкі з вашай кватэры.

Акрамя таго, падрыхтуйце запасныя ключы ад дома (машыны) і трымайце іх так, каб у выпадку небяспекі можна было тэрмінова пакінуць дом і тым самым выратаваць сваё жыццё або пазбегнуць новых пабояў і абраз. З гэтай жа мэтай схавайце ў бяспечным, але даступным для вас месцы кніжку з нумарамі неабходных тэлефонаў, пашпарт, пасведчанне аб шлюбе, дакументы дзяцей, іншыя важныя паперы, адзенне і бялізну на першы час, патрэбныя лекі, а таксама грошы — колькі зможаце. Пры крытычнай сітуацыі пакідайце дом. Пры першай жа магчымасці звярніцеся ў міліцыю па тэлефоне 102.