Жыхарка Гродна прыйшла ў госці да свайго знаёмага. У кватэры яна заўважыла сумку, у якой ляжалі пісталет, патроны рознага калібру і тратылавыя шашкі. Адкуль у мужчыны з’явіўся такі склад боепрыпасаў, жанчына ўдакладняць не стала.

Неўзабаве паміж знаёмымі ўспыхнула сварка. Гаспадар жылля забраў рэчы і выйшаў на вуліцу, а госця вырашыла паведаміць аб падазроным змесціве сумкі ў Ленінскі РАУС.

Падчас аператыўна-вышуковых мерапрыемстваў падазраванага аператыўна затрымалі, аднак небяспечных прадметаў пры ім ужо не было. У гутарцы з праваахоўнікамі затрыманы прызнаўся, што схаваў сумку каля аднаго з гаражных кааператываў. У паказаным месцы міліцыянеры сапраўды выявілі схаваны арсенал.

Па факце праводзіцца праверка, дзеянням мужчыны будзе дадзена прававая ацэнка. Сам ён растлумачыў што ўвесь арсенал атрымаў ад памерлага бацькі.