Супрацоўнікі падраздзялення па супрацьдзеянні кіберзлачыннасці Мазырскага РАУС раскрылі серыю махлярстваў, учыненых у сетцы інтэрнэт. Фігурантам крымінальных спраў стаў 18-гадовы мясцовы жыхар, які сумяшчаў працу ў IT-сферы з нелегальным заробкам.

Працуючы адміністратарам, вырашыў нажыцца на даверлівасці карыстальнікаў інтэрнэту. Малады чалавек размясціў на папулярны гандлёвай пляцоўцы некалькі аб’яў аб продажы дарагіх мабільных тэлефонаў па прывабным цэнах. Фактычна ніякіх смартфонаў у ілжэпрадаўца не было.

На прапанову «выгаднай здзелкі» адгукнуліся людзі з розных рэгіёнаў краіны. Так, ахвярай аферыста стаў 16-гадовы жыхар горада Лунінец. Хлопец перавёў за неіснуючы гаджэт амаль 1,4 тыс. рублёў.

Аналагічным спосабам мазыранін падмануў 16-гадовага жыхара Мінска, пераканаўшы яго пералічыць перадаплату. Адразу пасля атрымання грошай на карту «прадавец» спыняў усякую сувязь з пакупнікамі, а аплачаны тавар, вядома, не адпраўляў.

У дачыненні да мазыраніна распачатыя крымінальныя справы па факце махлярства. Затрыманаму пагражае да трох гадоў пазбаўлення волі.