Высветлілася, што 67-гадовая жыхарка Гродна падчас навядзення парадку ў гаспадарчай пабудове на дачы выявіла гладкаствольную паляўнічую стрэльбу «Байкал», шэсць патронаў да яе, банку пораху, а таксама камплектуючыя для вырабу патронаў. Яна растлумачыла праваахоўнікам, што гэта стрэльба належала яе памерламу сваяку і, магчыма, яна не зарэгістравана ва ўстаноўленым парадку. Баючыся незаконнага захоўвання, яна вырашыла добраахвотна здаць знаходку ў міліцыю.

«Згодна з дзеючым заканадаўствам, грамадзяне, якія здалі ў органы ўнутраных спраў незарэгістраваную зброю, боепрыпасы і порах у добраахвотным парадку, ад адказнасці вызваляюцца. А вось незаконныя дзеянні са зброяй прыводзяць да адміністрацыйнай, так і крымінальнай адказнасці», — растлумачыў начальнік Гродзенскага РАУС Аляксандр Гележа.

За незаконнае захоўванне агнястрэльнай гладкаствольнай зброі або кампанентаў прадугледжана адміністрацыйная адказнасць — штраф ад 10 да 30 базавых велічынь з канфіскацыяй або без канфіскацыі або пазбаўленне права займацца пэўнай дзейнасцю з канфіскацыяй прадмета адміністрацыйнага правапарушэння або без канфіскацыі. У выпадку паўторнага парушэння на працягу года гэтых правіл грамадзянін можа быць прыцягнуты да крымінальнай адказнасці.

Што да незаконных дзеянняў у дачыненні да агнястрэльнай наразной зброі, яе састаўных частак і кампанентаў, а таксама боепрыпасаў, то тут законам прадугледжана крымінальная адказнасць па арт.295 КК, аж да 12 гадоў пазбаўлення волі.