У пачатку мая 29-гадовая жыхарка аграгарадка Парэчча знайшла ў інтэрнэце аб’яву аб магчымасці працаўладкавання за мяжой. Яна пакінула заяўку і ў хуткім часе ёй на WhatsApp напісаў карыстальнік. Ён расказаў дзяўчыне пра ўмовы працаўладкавання і паведаміў, што за афармленне некаторых дакументаў неабходна будзе заплаціць.

Суіскальніца працы пагадзілася і ў перыяд з 14 мая па 7 ліпеня адправіла на ўказаны рахунак амаль Br9 тыс. Калі ж прыйшоў час працаўладкоўвацца, з ёй перасталі выходзіць на сувязь.

Пасля гэтага пацярпелая звярнулася па дапамогу ў Гродзенскі РАУС. Гродзенскім міжраённым аддзелам Следчага камітэта ўзбуджаная крымінальная справа па артыкуле «Махлярства».