Увечары 16 ліпеня 2025 года прахожыя ўбачылі, як жанчына кідае ката з акна сваёй кватэры, размешчанай на пятым паверсе дома ў Паставах. Пра здарэнне яны паведамілі ў праваахоўныя органы.

На месцы здарэння працавала следча-аператыўная група. Праваахоўнікі ўстанавілі, што на працягу дня 58-гадовая мясцовая жыхарка распівала спіртное дома. Увечары яна паспрабавала сагнаць свайго ката з падаконніка, аднак той падрапаў яе. Раззлаваўшыся, пенсіянерка выкінула хатняга гадаванца з акна. 

Паводле патолагаанатамічнага заключэння, кот атрымаў траўмы ў выглядзе дэфармацыі касцей чэрапа і ніжняй сківіцы, пералому левай пярэдняй канечнасці, пералому  пазваночніка, што выклікала яго гібель.

У дачыненні да 58-гадовай жыхаркі Паставаў распачатая крымінальная справа паводле ч. 1 арт. 339-1 (жорсткае абыходжанне з жывёлай, што пацягнула яго гібель) КК. Расследаванне крымінальнай справы працягваецца.

Следчыя нагадваюць, што жорсткае абыходжанне з жывёлай, якое пацягнула яго гібель або калецтва, здзейсненае з хуліганскіх, карыслівых ці іншых памкненняў альбо ў прысутнасці заведама малалетняга, караецца арыштам або абмежаваннем волі на тэрмін да двух гадоў. За тыя ж дзеянні, учыненыя паўторна або групай асоб, прадугледжана максімальнае пакаранне ў выглядзе пазбаўлення волі на тэрмін да чатырох гадоў.