Ануляванне больш як 250 тыс. віз — гістарычная вяха, якая адлюстроўвае непахісную прыхільнасць да абароны амерыканскага народа, сказаў Томі Пігот.

Акрамя таго, ён адзначыў, што кожнае рашэнне аб выдачы візы, якое прымаюць амерыканскія ўлады, — гэта рашэнне, «што датычыцца нацыянальнай бяспекі краіны». Томі Пігот сцвярджае, што дзякуючы безупыннай праверцы ЗША выяўляюць у «беспрэцэдэнтных маштабах» тых, хто ўчыняе злачынствы, падтрымлівае тэрарызм або злоўжывае амерыканскай іміграцыйнай сістэмай.

«Віза ў ЗША — гэта прывілея, а не права, і калі вы парушыце ўмовы гэтай прывілеі, вы яе страціце», — дадаў кіраўнік прэс-службы.

Раней, 28 верасня, улады ЗША ўвялі візавыя абмежаванні ў адносінах да некаторых службовых асоб Балівіі, Калумбіі, Эквадора і Перу, якіх падазраюць у дачыненні да карупцыі і падтрымцы наркатрафіку.