«Самалёты Аб’яднанага камандавання аэракасмічнай абароны Паўночнай Амерыкі ў хуткім часе прыбудуць на касмічную базу Пітуфік у Грэнландыі», — гаворыцца ў паведамленні.

Як запэўнівае камандаванне, паветраныя судны будуць ажыццяўляць «падтрымку розных загадзя запланаваных мерапрыемстваў NORAD». «Гэта дзейнасць скаардынавана з Каралеўствам Данія, усе сілы падтрымкі дзейнічаюць з неабходнымі дыпламатычнымі ўзгадненнямі», — адзначаецца ў заяве.

Грэнландыя ўваходзіць у склад Дацкага каралеўства. Аднак Дональд Трамп не раз паўтараў, што востраў павінен стаць часткай ЗША. Улады Даніі і Грэнландыі перасцерагалі Вашынгтон ад захопу вострава, адзначаючы, што чакаюць паважання іх тэрытарыяльнай цэласнасці.