«ЗША здымаюць санкцыі з Белінвестбанка, Банка развіцця і Міністэрства фінансаў», — заявіў Джон Коўл.

Падчас папярэдняга раўнда перагавораў у снежні 2025 года таксама заяўлялася аб зняцці санкцый з беларускага калію. Зыходзячы з цяперашніх заяў спецпасланніка, цяпер гэта пытанне ўрэгулявана канчаткова. «ЗША таксама прынялі рашэнне (пра гэта аб'яўлена было Прэзідэнту) аб тым, што выводзяцца з усіх санкцыйных спісаў дзве беларускія кампаніі — Беларуская калійная кампанія і «Беларуськалій», — сказаў спецпасланнік ЗША.

У сувязі з гэтым журналісты ўдакладнілі, які час спатрэбіцца на тое, каб на практыцы фармалізаваць новыя аб'яўленыя рашэнні аб зняцці санкцыі — ці будзе гэта зроблена неадкладна або запатрабуе пэўнага перыяду часу.

«Я вас запэўніваю, што гэтым разам усё будзе значна хутчэй, — падкрэсліў Джон Коўл. — Мы навучыліся гэта рабіць хутчэй. Перад тым, як наведаць Мінск з візітам, мы правялі пашыраныя перагаворы з Міністэрствам фінансаў і іншымі амерыканскімі структурамі, якія задзейнічаныя ў прымяненні санкцый».