Адзіны рэспубліканскі інтэрнэт-партал www.dadomu.by адзначыў свой першы «дзень нараджэння». Ён распачаў сваю работу 14 кастрычніка 2013 года. За першы год работы партала больш за 50 тысяч чалавек мелі магчымасць атрымаць самую рознабаковую інфармацыю па пытаннях сямейнага ўладкавання дзяцей.
На момант адкрыцця на партале былі змешчаны звесткі пра 3488 дзяцей, якім патрабавалася сямейнае ўладкаванне. З выкарыстаннем прадстаўленай на партале інфармацыі 535 дзяцей набылі сем'і: з іх 215 дзяцей былі ўсыноўлены, 83 дзіцяці перададзены пад апеку, 77 непаўналетніх перададзены на выхаванне ў прыёмныя сем'і, 46 дзяцей — у дзіцячыя дамы сямейнага тыпу і 114 дзяцей былі вернуты бацькам.
Калі ў чацвёртым квартале 2013 года з дапамогай партала на сямейныя формы ўладкавання было перададзена 117 дзяцей, то за 9 месяцаў 2014 года — ужо 418 дзяцей.
Па стане на 14 кастрычніка гэтага года на партале былі прадстаўлены звесткі пра 4265 дзяцей. За год функцыянавання партал папоўніўся інфармацыяй пра 1481 дзіця, кожнае з якіх жадае быць у сям'і.
Алгарытмы формаў сямейнага ўладкавання, сістэматызаваныя і даступна пададзеныя на партале, дапамагаюць кандыдатам ва ўсынавіцелі, апекуны, патранатныя выхавальнікі і прыёмныя бацькі вызначыцца з выбарам аптымальнай формы прыёму дзіцяці ў сям'ю, а таксама спрашчаюць унутрысямейную адаптацыю пасля прыёму дзіцяці на выхаванне.
Надзея НІКАЛАЕВА.
Сумесныя праекты ядзерных тэхналогій.