Па звестках Нацыянальнага статыстычнага камітэта, амаль кожны пяты малады чалавек у Беларусі — студэнт. Дарэчы, у студэнцкім асяроддзі колькасць прадстаўніц прыгожага полу пераважае: на 10 юнакоў прыпадае 14 дзяўчат.
На пачатак 2013/2014 навучальнага года ў 54-х ВНУ краіны навучаліся 395,3 тысячы студэнтаў і 7,6 тысячы магістрантаў, сярод іх 13,9 тысячы замежных грамадзян.
Трэцяя частка ўсіх студэнтаў навучаецца бясплатна. У дзяржаўных ВНУ за кошт бюджэтных сродкаў атрымліваюць адукацыю 57% студэнтаў дзённай формы навучання. Каля паловы ад агульнай колькасці беларускіх студэнтаў атрымліваюць вышэйшую адукацыю на завочнай форме навучання.
Па колькасці студэнтаў у разліку на 10 тысяч насельніцтва Беларусь мела ў 2013/2014 навучальным годзе самы высокі паказчык сярод краін СНД — 417 студэнтаў. Для параўнання, у Расіі гэты паказчык складае 394, Кыргызстане — 391, Украіне — 380 студэнтаў.
Надзея НІКАЛАЕВА.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?