Міністэрства ўнутраных спраў праводзіць конкурс на найлепшае асвятленне ў сродках масавай інфармацыі дзейнасці органаў унутраных спраў і ўнутраных войскаў Беларусі.
Да ўдзелу запрашаюцца творчыя калектывы і асобныя журналісты, тэлеаператары, фотакарэспандэнты, супрацоўнікі інтэрнэт-сайтаў, пазаштатныя аўтары. У тым ліку супрацоўнікі міліцыі і ваеннаслужачыя.
Палажэнне аб конкурсе ўключае 7 намінацый. Тры з іх («Найлепшы інтэрнэт-праект», «Найлепшая раённая газета» і «Найлепшая фотапраца») прадстаўлены ўпершыню. З 2015 года браць удзел у конкурсе могуць фатографы і прадстаўнікі інтэрнэт-СМІ.
Да разгляду прымаюцца матэрыялы, якія размешчаны ў сродках масавай інфармацыі і інтэрнэце з 1 студзеня па 31 снежня
2014 года.
Працы з абавязковай пазнакай «На конкурс» трэба накіраваць не пазней за 20 лютага 2015 года на адрас: 220030, г. Мінск, вул. Гарадскі Вал, 4, Міністэрства ўнутраных спраў Рэспублікі Беларусь, упраўленне інфармацыі і грамадскіх сувязяў.
Дасланыя матэрыялы не рэцэнзуюцца і не вяртаюцца, а прадастаўленыя з парушэннем умоў — не разглядаюцца. Акрамя таго, асаблівую ўвагу трэба надаць правільнаму афармленню заяўкі.
Падрабязная інфармацыя пра ўмовы правядзення конкурсу, парадак прадастаўлення прац і правілы афармлення размешчана ў раздзеле «Акцыі» на афіцыйным сайце МУС
(www.mvd.gov.by).
Сумесныя праекты ядзерных тэхналогій.