Рэспубліканскае ўнітарнае прадпрыемства паштовай сувязі «Белпошта», як заўсёды калегіяльна, плануе вызначыць найлепшую марку 2014 года.
Для таго, каб стаць свайго роду экспертам, членам журы, прапануюцца два спосабы. Першы з іх — наведаць раздзел «Філатэлія» на сайце прадпрыемства (www.belpost.by), скачаць бланк анкеты і, назваўшы ў ёй нумары найлепшай паштовай маркі альбо паштовага блока, выслаць на электронны адрас: zavadskaya@belpost.by. Другі спосаб — наведаць любое аддзяленне паштовай сувязі нашай краіны, азнаёміцца з умовамі конкурсу, запоўніць прапанаваную анкету і з пазнакай «Конкурс» накіраваць яе (у канверце) на адрас выдавецкага цэнтра «Марка» РУП «Белпошта»: пр. Незалежнасці, 10, 220050, г. Мінск.
Сярод усіх удзельнікаў апытання, якія з 16 лютага да 18 сакавіка дашлюць лісты з правільна запоўненымі анкетамі, будуць разыграны прызы — наборы філатэлістычнай прадукцыі.
Нагадаем, што ў Беларусі конкурс на найлепшую паштовую марку года традыцыйны. Летась перамогу ў ім атрымаў паштовы блок «1025-годдзе Хрышчэння Русі» (мастацкае афармленне Івана Лукіна).
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.